У сонечны ранак вучні нашай гімназіі адправіліся ў захапляльную экскурсію, у сталіцу Беларусі - Мінск. Гэты горад, напоўнены гісторыяй і сучаснасцю, заўсёды здзіўляе сваімі архітэктурнымі шэдэўрамі і культурнымі каштоўнасцямі.
Першым прыпынкам стала Нацыянальная бібліятэка Беларусі - адзін з самых унікальных будынкаў краіны. Яе незвычайная форма, якая нагадвае дыямант, уразіла ўсіх. Унутры бібліятэкі вучні змаглі ўбачыць вялізную калекцыю кніг, якія захоўваюць веды і культуру беларускага народа.
Пасля Нацыянальнай бібліятэкі Беларусі, дзе вучні даведаліся пра важнасць кніг і адукацыі, яны накіраваліся да помніка Францыску Скарыне. Помнік быў усталяваны ў гонар гэтага вялікага чалавека, які зрабіў шмат для развіцця беларускага пісьменства і культуры. Вучні з цікавасцю слухалі гісторыю жыцця Ф.Скарыны, яго ўклад у кнігадрукаванне і адукацыю. Потым гімназісты зрабілі некалькі фотаздымкаў на фоне помніка.
Другім прыпынкам для дзесяцікласнікаў стала праходжанне квэста ў клубе забаў і яркіх эмоцый. Гэта гульня, дзе пачуцці на мяжы. Кожны паварот, кожныя новыя дзверы, кожны пакой - гэта выклік. Ці гатовы ты адчыніць чарговыя дзверы рыпучай шафы? Пераступіць парог наступнага пакоя? Рушыць услед за таямнічым шоргатам? Гімназісты заўсёды гатовы ярка і з карысцю бавіць час на канікулах.
Экскурсія ў Мінск стала не толькі магчымасцю пазнаёміцца з культурай і гісторыяй краіны, але і выдатным спосабам для вучняў аб'яднацца, падзяліцца эмоцыямі і ўспамінамі. Гэты дзень застаўся ў іх сэрцах, як яркая старонка ў кнізе юнацтва, напоўненая новымі ведамі і ўражаннямі.
